Eurodeputeti holandez i reagon BE-së: Mjaft i toleruat autokratët

17:24 | 27 Shtator 2023
E.G

Eurodeputeti holandez, Thjis Reuten ka reaguar ndaj deklaratës së zëdhënësit të BE-së, Peter Stano i cili tha se po presin hetimet për të marrë vendime ndaj Serbisë për sulmin e 24 shtatorit në veri të Kosovës.

Me anë të një postimi në X, Reuten doli kundër kësaj deklarate duke iu kërkuar shteteve të BE-së të ndalojnë zbutjen ndaj Serbisë dhe autokratëve, shkruan Abresh.info.

“Kjo është e pajustifikueshme! Ndaloni këtë zbutje krejtësisht katastrofike të autokratëve dhe destabilizuesve. Ju lutem shtetet anëtare të Këshillit të BE-së; korrigjoni këtë kurs tani! Stop zbutjes!”, ka shkruar ai.

Ndryshe, Qeveria e Kosovës po akuzon Serbinë duke thënë se qëndron pas sulmit ndaj Policisë së Kosovës nga i cili humbi jetën heroi Afrim Bunjaku.

Ministri i Brendshëm, Xhelal Sveçla, është duke publikuar vazhdimisht fakte të gjetura se Serbia është e lidhur me sulmin dhe në përgatitjen e sulmit dhe trajnimin e terroristëve./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm